本周令網友睇得最爽的新聞，叮噹馬頭者，不是梁特的「開倉派米、一生前世」的施政報告，而是十六個垃圾桶圍堵違例泊車的平治房車。屋邨垃圾桶陣對付的，假如是錢七，沒瞄頭。但被圍困者，是違例阻住前世今生趕住運去堆填的家居廢物的驕貴平治車，這就值得網民深挖。女司機見車身遭刮花，憤而報警。垃圾車vs平治，哪一方有資格說「俾這架車撞，你執到啦」，是後話了。而司機原來拿綜援，自爆家有八歲過動症女兒，深夜駕車探朋友，晨早才取車走人。違泊是必然了，有冇疏忽照顧兒童呢？不盡不實的父母，其實比垃圾更廢，濫用綜援，有辦你睇，再也不能指責新移民了。
垃圾桶只是圍，不損人。但美國佛州一男子，偕妻去看電影，在戲院裏不斷給22個月大的女兒發短訊，遭後排座位的觀眾投訴噪音，不果，觀眾忍無可忍，最後拔槍射殺了這位SMS父親。做低頭族會攞你命，問自己為了幾個apps和fb冇咗條命，抵唔抵？新聞雖然美式暴力到爆，我放下報紙，呷一口Starbucks，心曠神怡。