在深水埗開餐廳的陳灼明（明哥），每星期都為露宿者準備愛心飯盒，既平又夠營養，其北河燒臘飯店更被稱為窮人愛心飯堂，感動蘋果網民選「明哥派飯」為心動新聞第一位。
準備飯盒、運水、派飯，明哥為了露宿者的溫飽，事事親力親為，「連續三日都派二百盒」，亦關心他們的生活，「我幫佢點蚊香」、「你唔飲酒面色好啲，追酒飲就斃架啦」，有露宿者因為無牙，想明哥下次留斑腩飯給他，明哥都一口答應。
明哥的影響力更衝出深水埗，感動了各區的有心人捐錢、捐物資，「今年都有好多，棉胎、冷衫、氈、冷帽、頸巾、日用品，仲有睡袋，睡袋嚟咗幾百個，都分到各個區派，派畀無家者」。
雖然政府曾批評明哥的善心，可能會吸引各區的露宿者轉到深水埗取飯，反被指責思想苛刻，但明哥不計前嫌，與政府相關機構溝通，結果成功爭取延長公廁的開放時間至晚上10時半，以解決區內衞生問題。今年，民政署邀請他參加「築福香港」的運動，推動區內更和諧。
臨近新年，明哥過往會回鄉下過年，年初五才開市，但去年他觀察到新年人人放假，無人關心露宿者，於是今年提早派飯，「年初三嗰日會做兩餐飯畀佢哋，有啲人仲要求我帶佢哋嚟派利是畀佢哋，即是至少新年都高興啲，有兩餐飽飯食」。
昔日報道
【待用飯券幫基層 良心食肆齊扶貧】
http://bit.ly/14QkvBa