周嘉玲偷師吸客

周嘉玲偷師吸客

【銅鑼灣利園】年近歲晚,身為童裝店老闆娘嘅周嘉玲忙到爆,前日傍晚6點幾,佢現身銅鑼灣利園嘅舖頭,同一位攞住iPad嘅外籍男人用英語對話,兩人喺度傾緊櫥窗嘅設計,睇嚟周嘉玲諗住幫舖頭改頭換面吸客,佢仲喺門外好認真咁指指點點,然後佢哋走咗入另一間童裝店睇嘢,似乎係參考吓同行嘅設計,睇完一輪後佢哋再返舖頭傾過。
採訪、攝影:梁繼光