謝婷婷、江若琳、吳鎮宇昨晚現身會展Vivienne Westwood活動，事先張揚會現身的婷婷緋聞男友戴尚安（Sean）臨時缺席，而鎮宇更充當模特兒行騷。吳鎮宇chok爆行騷，記者取笑他Sam哥同𡃁坤合體，提到好友黃秋生角逐演藝人協會會長，他表示以非會員身份支持：「雖然佢做人做事奇怪，佢選係正面，結果正面，唔諗以權謀私嘅嘢，儍人都係咁。」記者叫他入會支持秋生，他笑言：「怕同佢爭做會長，風頭勁過佢，唔好。」婷婷對於Sean甩底不知情：「唔清楚，冇約定，過年前大家都忙，以我所知佢唔喺香港，我都唔介意同佢同場，我今晚着條長裙，有隻手蹺吓都好。」提到何時帶Sean見父母食飯，她笑言：「未知，屋企人食飯都係最後一分鐘先知，爹哋見到報道都覺得突然，問我係唔係之前做嘢見過嗰個，佢嗰日執得好正。」
採訪：林嘉慈
攝影：陳志嵐