就嚟35歲嘅派路，到今時今日都繼續有好表現，絕對係意甲不老傳說之一。據講佢即將會同效力球會祖雲達斯再續約到2016年，即係話球迷至少仲會睇到派路征戰多兩季；另外，派路喺佢私生活同樣即將會動筆簽字，之不過就唔係開心嘢，有傳最近佢同結咗婚12年嘅太太狄波拉搞緊離婚。佢兩個青梅竹馬識於微時，結婚後派路亦冇傳出過任何緋聞，無啦啦話要離婚都幾突然。