社會講求男女平等，以往由男性主導嘅金融市場，越嚟越多女性擔任重要職位。最近有調查發現，女基金經理操盤可能醒過男人，原因可能同男性嘅睪丸素有關！
顧問公司Rothstein Kass發現，舊年1月至11月，由女性話事嘅對沖基金回報有9.8%；相反，反映行業整體回報嘅HFRX環球對沖基金指數只升6.13%。由2007年1月至2013年6月期間，女性話事嘅對沖基金，回報有6%，HFRX環球對沖基金指數同期就下跌1.1%。
總監Meredith Jones話，過去都有報告指男性嘅睪丸素會令佢哋對風險回報訊號冇咁敏感，今次呢個報告正好係反映事實。可惜，女性話事嘅對沖基金家陣唔算多，全球大約只有百多個左右。
其實唔講咁遠，本港基金界有知名度嘅基金經理多數係男性，女性講來講去都係西京劉央，但佢係明燈。