自從立志做股市飛貓，Prof J不嬲都係「不扮高深，只求全真」。
中華包裝（1439）喺星期一上市，當日好多大師級都有提及，好表現自然係意料之內！
家陣潮流興捉住隻股同玩穿雲箭，咪即係「爆上爆」，日日好似玩俄羅斯輪盤一樣，都係嗰句，Prof J覺得要捉緊時機，同時做好風險管理，有市又有水，信我，唔買都要望一望，或者買少少傍吓身，等爆！
另外，中華包裝由東英一手帶大，呢間行係行內人都知佢鍾意搵「中價市值股」！而家細細隻，一炒高咗咪中價市值囉，都費事追蹤，收到未？
新股當旺咪走漏
今日文章出街，三股同日上市，米格（1247）講過，今日講剩番嗰兩隻。以經營健康產品為主嘅南京中生聯合（3332），呢隻嘢啱Prof J口味。
南京中生做銀髮一族生意，話自己係集科研、生產、銷售「三位一體」快速增長嘅營養補充劑零售商，由頭做到尾，毛利率梗係有87%。仲有醫療界guru之稱嘅康健企業諮詢同投資有限公司同意認購500萬美元（約3,900萬港元），股數約為2,584.4萬股，約佔發行股份嘅12.7%，以PE計，有水位可言，可以睇實！
另外一隻編號8001叫做東方匯財，從事證券業務，配售加創仔加細細隻，啱嘴型。近期股市瘋狂令證券板塊啱晒大眾channel，自然梗係益咗中小型嘅行仔啦！加上唔少券商為咗進入香港市場而要買呢類公司，正所謂「快靚正」！
阿爺大把水，學佢哋話頭，炒多兩轉好過！喺現時創仔熱潮裏面，升幾倍真係一個指定動作，2014年一齊喺大時代淘金啦！
徐燦傑
中國銀河國際財富管理主管
本欄逢周三刊出
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange