鄺美雲（Cally）昨日在中環四季為自家品牌Cally K Jewellery，舉行「Timeless Love」記者會，請來熊黛林（Lynn）和Ana R.等名模示範合共過億珠寶，Cally又請來好友廖碧兒及馬德鐘夫婦等人看騷。單是Cally身上鑽飾已約值3,180萬，令人眼前一亮。
Lynn急結婚
至於Lynn示範的鑽飾約值1,170萬，單是她手上的蜻蜓腕錶已值180萬，Cally說：「呢隻錶設計概念係指愛情可以細水長流，唔需要好激烈，同埋女仔唔使一下子要掌控對方，蜻蜓代表若即若離嘅感覺，我都祝福佢有細水長流嘅感情，其實男女拍拖好似跳tango咁，前前後後慢慢嚟。」有否介紹男仔給Lynn？Cally認為姻緣皆由天注定。
Lynn坦言認同Cally對愛情的睇法，她說：「拍拖唔使成日一齊，否則會冇咗神秘感。」她表示過往拍拖必定會讓另一半知自己身在何地，免他擔心，若她獨自在家也不想因此給太多壓力男友。Cally祝福她有段細水長流的感情，Lynn聞言有感而發說：「希望情人節唔使一個人過，其實係急咗啲，希望啫。」依然想結婚？Lynn坦言始終想有個家，可以令她安心出外拼搏。同是單身的廖碧兒表示忙於搞自己品牌的紅酒，想在這方面找到人生的另一半。
問到馬德鐘有否留意演藝人協會內訌，他表示只是看報道，覺得黃秋生是否適合做會長？馬德鐘說：「好唔好唔知，我同佢合作兩次，但佢係敢言嘅人，知佢睇好多書，有文化修養，相信可以勝任。」
採訪：張俊銘
攝影：黃偉雄
戲裡戲外，話題最強，立即收睇《動戲場》:
http://hk.movies.nextmedia.com/extra/list/