美國前任財長蓋特納噚日擔任亞洲金融論壇午宴演講嘉賓，可惜呢個午宴由德勤贊助，德勤與蓋特納傾好，呢場午宴唔准拍照、錄影或採訪。
避談地緣政治話題
不過大家都冇乜損失，據與會者所講，蓋特納都係重提自己在位期間決策恰當，預期美國今年經濟繼續復蘇，人民幣國際化唔影響美元。
蓋特納喺會上大約用咗十分鐘演講，主要重提佢在位期間所落實嘅政策都係啱嘅，當然包括放水。之後就有20分鐘畀台下嘉賓提問，大約問咗八條問題，不過其中有六條，蓋特納都搵借口冇答。
有啲問題佢唔答都好正路，好似有人問佢點睇最近泰國局勢、中日釣魚台爭議、香港貧富懸殊問題，佢多數以同佢工作冇關為由，拒絕回答。有人問佢人民幣國際化會否影響美元地位，佢就話唔多覺，指日圓同歐元都係國際貨幣，至於美國經濟，當然繼續向好啦。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange