「好勝」伊巴謙莫域雖然未能殺入金球獎3強，但瑞典球星依然搶鏡，以幽默感為頒獎禮增加不少亮點。伊巴一向傲慢兼狂妄自大，又豈容自己成為陪襯品？金球獎頒獎禮上雖然星光熠熠，但伊巴繼續發揮其寸嘴本色，隨即又成為傳媒爭「寫」對象。
猶記得前年11月伊巴披甲出戰4:2擊敗英格蘭一仗，憑一記30碼外倒掛破網，「超級倒掛」令神奇隊長謝拉特都話輸得心服口服，呢個「世界波」亦令伊巴勇奪今屆普斯卡斯獎。球星領獎時直言為自己而自豪，除咗謝票之外，落台前亦不忘搞氣氛：「希望一陣拎金球獎嘅球員，係世界上最強嗰位喇。」幽默之餘不失霸氣，換轉係尼馬講？肯定俾人柴台。
C朗以大熱姿態拎金球獎，早已係意料中事，拎唔到至轟動球壇；反而「伊巴式」嘅風騷，令頒獎禮更有看頭。文：呂晨
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24