飛象過河、事急馬行田等香港人成日用嘅術語，都係出自象棋，唔講大家可能唔知，中國象棋嘅鼻祖要追溯到唐代嘅「寶應象棋」，用金銅造成立體造型象棋；而宋朝象棋較扁平，因為下棋時係喺棋盤上推棋子前進。
有「中國古象棋收藏第一人」美譽嘅張超英，決定將收藏多年嘅珍品帶到香港展出，佢多年嚟走遍各地蒐集珍品，試過喺廣州地攤用300元人民幣買到南宋銅質象棋，𠵱家升值至40萬；要數佢最矜貴嘅收藏莫過於「寶應象棋」，係佢98年喺一個地攤發現，當時以80蚊人民幣買得心頭好，反覆驗證確定係唐代出品嚟㗎。MCP新都城中心𠵱家展出佢嘅40幾件藏品，包括民國掛棋子、一隻上萬元嘅明末象牙象棋、明代金絲楠木棋等，絕對係棋道中人新年好去處。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange