每年施政報告同財政預算案，喺特首同財爺開金口宣讀演辭前幾小時，其實大批傳媒早已可以去到新聞處，預先睇吓本演辭，及早準備做報道。不過呢，為免報告內容提早出街，所有去預覽嘅記者，入場前都要先交出手機，同埋要等到約下午1點鐘左右，等佢哋差唔多讀晒成份報告，先可以走人。
成個上午被困，新聞處每年係呢個時候，都會準備定一啲簡單食物畀記者醫肚，好多年前，最流行嘅食物係麥當勞，近幾年呢，就轉咗Delifrance到會，皆因包準時送到。八方聽聞，今年施政報告閉門預覽，新聞處為記者行家準備咗新美食，就係添好運嘅雪山叉燒包，等大家晨早流流，可以有米芝蓮級數嘅熱食暖吓肚。
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24