新任新聞統籌專員馮煒光，似乎已走出「三個字」陰霾，近期開始跟住狼英出出入入。噚日朝早佢亦喺行會現身，仲跟住狼英尾去接示威者請願信。現場所見，呢位IC雖然攞住本筆記簿，但卻戴住個藍芽耳機，加上不苟言笑，其實似G4多過IC！
有知心友在側嘅狼英，就抓緊機會預告今日宣讀嘅施政報告有乜好嘢。有心水清嘅政界中人留意到，狼英講到有乜嘢措施，繼續遏抑內地人來港炒樓問題時，只係用「遏抑外來、投資、炒賣需求」，而唔係直接用「內地人」，諷刺嘅卻係當日政府推「港人港地」時，狼英也好、運輸及房屋局局長張炳良也好，毫不避忌提及內地人來港炒樓，何以今日卻由「內地」變「外來」？莫非狼英收到阿爺最高指示，唔可以刺激中港矛盾？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange