這光顧信興酒樓五十多年的老茶客，每天與一班老友定時定候就會來到他們的專屬桌子，一坐就是數小時，或嘆茶或自攜燒酒淺酌幾杯。「呢度古色古香，水滾茶靚，吹水吹到茶杯都起大浪！我同班夥計都好熟㗎喇，佢哋見我日日嚟，就畀個專用茶壺我。上年傳執笠我都好擔心，無咗呢度，都唔知去邊度飲茶。」
信興沒有第四代
酒樓現已傳到第三代，人稱老羅生的第二代傳人羅其茂（左）已淡出管理，只偶爾來嘆心愛普洱。人稱細羅生的第三代傳人羅偉賢透露曾有不少地產商接觸他，坦言放租收入可能更可觀，但他不想兩代心血敗在自己手，不過也說酒樓該沒有第四代了：「太辛苦，我都唔想自己仔女做落去，做埋我呢代算喇。」
旺足幾十年
信興酒樓位處深水埗基隆街及桂林街交界，一樓貼上反光膠紙的一層正是酒樓茶倉。周邊北河街街市及檔攤由早旺到晚，收檔後又到夜冷檔出動。曾幾何時這裏大部份都是爛地，沒有正式店舖只有走鬼檔，但人流如鯽十年如一日。
信興酒樓
深水埗桂林街93號地下
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24