李玟、江若琳、梁詠琪、周汶錡、阮馬素同李克勤等噚晚喺會展出席由貿發局舉辦嘅「香港．華麗秀」，大會安排眾星喺佈景板前拍照，誰知主辦單位棋差一着，喺佈景板下面放咗條鏡面嘅佈置，呢塊「蠱惑的鏡」令到眾位着短裙嘅嘉賓都春光乍洩，相信係娛樂圈中一個最大嘅集體走光事件！
露衞生巾
其中江若琳、談善言、92年亞姐陳綺明、周美欣、李玟同模特兒Helena Chan等都不幸中招，各女都露出底褲同打底褲，其中着上黑色deep V連身裙嘅江若琳喺拍照時被反射豹紋底褲、仲露出疑似衞生巾、而Taylor R.就露出花花底褲，可憐嘅女星都全程不知情。
此外，李玟（CoCo）講到農曆年願望，佢就話想做多啲瑜伽，令身體去到最佳狀態。為生馬仔？佢話：「我最想買隻狗仔先，我老公都笑我一見到寵物或者小朋友就會心動。我見到小朋友會成日抱住，老公話我會係好媽媽，𠵱家都嚇親。」
撰文：馮仁昭
戲裡戲外，話題最強，立即收睇《動戲場》:
http://hk.movies.nextmedia.com/extra/list/