第三次來港開騷的英國唱作歌手James Blunt，前晚在亞博館舉行演唱會。吸引被封為走音主席的「紅日娛樂」公司主席朱壽仁到場，他跟着James又唱又跳，情緒十分高漲。不過James都不弱，除了唱慢歌企定定之外，其餘時間都無時停，唱到《So Long, Jimmy》中段時，竟突然跳落台衝到觀眾席，令歌迷即撲上前與他握手，一度惹起混亂。最尾唱到《1973》時更跳上鋼琴上扮滑浪！
James表示這一站是他們中國之旅的最後一站，爆粗叫歌迷要表現得興奮，為他留下美好回憶。早前到了北京開騷的James，指自己只懂用普通話打招呼，不過他的媽媽教了他用廣東話數1至10。最後James表示不會忘記香港，叫歌迷好好保重。
採訪、攝影：丁焯敏、陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！