【本報訊】記者日前在午市時段在金鐘can.teen觀察約一小時，僅一位食客堂食鰻魚飯；對於售價過百元的快餐，白領似乎不受落。
李先生表示，自己鍾情日本菜，但對can.teen的鰻魚飯興趣不大；鍾先生則幫襯該系列另一款套餐，埋單約100元，他認為食物質素OK，但認為鰻魚飯「價錢貴咗少少」。
市民呻太貴
學生Jessie亦表示：「平時喺附近食大家樂，100蚊鰻魚飯太貴。如果食日本嘢就會去銅鑼灣或者尖沙嘴，唔會喺快餐店食日本嘢。」
餐飲聯業協會會長黃家和亦對「百元快餐」嘖嘖稱奇，「呢啲『高消費』唔係個個都負擔得起，𠵱家快餐店賣50、60蚊都俾人話貴！」他相信「實會有人試」，但懷疑美心能否長期維持高價，「裝修、服務好好？產品質素值唔值呢？」
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24