中環昃臣道8號舊立法會遲吓會變身做終審法院，咁終審法院現址，又有乜嘢去向呢？
位於炮台里嘅終審法院係前法國外方傳道會大樓，紅色磚牆係佢標記。律政司司長袁國強噚日喺法律年度開啟禮話，除咗政府喺舊年12月宣佈將前中區政府合署西座部份辦公空間留畀法律、解決爭議等相關機構使用之外，呢個政策得到進一步延續，因為當終審法院搬遷後，現址遲吓會分配畀法律及解決爭議機構。
袁國強話，呢個計劃同律政司及與法律相關團體遷往前中區政府合署嘅計劃係相互配合，可以令到呢個地段，發展成為香港未來嘅「法律樞紐」。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange