前國家總理朱鎔基長子、現任中金總裁朱雲來噚日跟招商局集團董事長傅育寧、上海市常務副市長屠光紹一齊出席亞洲金融論壇一個關於中國機遇嘅討論環節。傅、朱二人睇落幾老友，喺台上不時交頭接耳，對於人民幣幾時真正自由兌換，睇法亦相近，估計十年左右。
跟舊年一樣，論壇主持人不停跟台下觀眾玩互動，即場做民調，其中一條係問大家估計人仔幾時可以自由兌換，現場有近四成人估計五年內，比舊年33%明顯增加；估十年內係36%。
傅育寧就比較保守，估計十年內；朱雲來就估五至十年，主要視乎中國經濟改革發展進程，國際市場對人民幣嘅信心有幾強等等因素。
屠光紹亦預計需時五至十年，不過佢後來補充一句，話「偏向五年」。五年轉眼就過，大家即管拭目以待。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange