民主黨黃成智自從失落立法會議席之後，沉寂咗好一陣子。八方日前喺個論壇撞到佢，原來成智最近有新搞作。佢唔做直選議員，最新動向係轉戰飲食界，同朋友夾份喺土瓜灣搞咗間社企茶餐廳。成智話，呢間茶記開業個多星期，驟眼睇好普通，但佢哋嘅職員主要係復康人士，亦請職訓局學員做實習，所以希望街坊幫襯時有乜甩漏都多多包涵。佢笑言，𠵱家仲係試業階段，初時一日賺得幾百蚊，到𠵱家有四位數收入，希望生意可以漸入佳境。唔知成智喺開茶廳餐前，有冇搵過飲食界議員張宇人取經呢？
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24