世事無絕對，未遇到令其心動嘅男人之前，好可能大部份男人都以為自己係「直」！男士聽到可能好心寒，但事實證明中途轉「基」大有人在。近日體壇又多一位球員宣佈「出櫃」，希斯佩加更係公開自己同性戀身份嘅第一位德國球員，挺身批評足球界對同志長期存在嘅污名化。
31歲嘅希斯佩加仲自爆曾經向青梅竹馬女友求過婚，但喺婚禮前已經分手，直到自己職業生涯完結時，都未搞清楚自己性取向。不過，希斯佩加最後明白呢啲嘢係講feel嘅：「我更鍾意同男人生活。」去年9月「掛靴」後，希斯佩加有更多時間思考同性戀問題，而且見到近年不少運動員，好似NBA球星積遜哥連斯同跳水型男戴利，都先後發表「出櫃」宣言，令佢知道自己並唔係孤身作戰。
雖然希斯佩加坦承自己係基，不過佢極力維護自己嘅足球員形象，認為基佬同足球運動兩者之間毫無矛盾，當年有「鐵錘」之稱嘅希斯佩加，更堅稱自己場上表現毫無基味，一啲都唔乸！所以話，同性戀「基」因真係好飄忽，好多時只係時辰未到。
文：呂晨
以女性角度看球星新聞，唔用眉筆用原子筆寫低球壇百態！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange