【本報訊】愉園爆出懷疑假波醜聞後,又爆出懷疑假賬事件。該球會前總監鄺曉明早前連番踢爆贊助商干預球隊運作,至昨日輪到會方還以顏色,球會主席貝鈞奇查閱由鄺曉明交出的球會數簿後,直指賬目混亂,並揚言已交律師追究。愉園副領隊盧冠銘昨日領軍復操時,更說看過數簿後「笑足一晚」:「開季時每個月出糧畀40幾人,踢歐聯都唔使咁多人啦。」
記者:鄧永賢
停賽中的愉園昨晨在京士柏球場復操,除涉案的劉嘉城未現身外,其餘五位上周被廉署拘捕的球員都有出席。盧冠銘向在場記者爆料,表示他日前翻查鄺曉明交出的數簿時,發現賬目有問題,包括勞工保險及場租等費用的紀錄,均令他啼笑皆非。
愉園主席貝鈞奇亦批評賬目混亂︰「我收到贊助商投訴,話佢賬目混亂,30幾萬保險單又冇附件,而盧冠銘又話俾保險公司追數。目前首要係查證,要搵到證據先可以訴諸法律。尋求法律意見後,或會出律師信去質詢佢,好過贊助商同鄺sir各有各說法。」
鄺曉明:佢冇睇單
鄺曉明則回應稱︰「勞保、場租混亂,任得佢講,我買勞保有單有據,早幾個月已經畀咗單據佢。佢話保單要30幾萬,即係佢冇睇過;全季應該只係18萬幾,我畀咗15萬,至於餘數3萬幾,我就唔知佢找咗未。」對於貝鈞奇聲言訴諸法律,他則顯得不耐煩︰「佢鍾意點跟就點跟啦,佢有搵律師嘅自由。𠵱家ICAC查緊,我都費事講太多冇關係嘅事。」
港甲老牌球會愉園有六名球員涉嫌在聯賽及銀牌賽事中受賄打假波,連同三名球會職員、贊助商代表及賄賂中介人被廉署拘捕。足總亦於上周成立專責委員會,調查愉園及屯門的財政及管理狀況。盧冠銘透露,已收到足總通知,需於20至24日出席聽證會。
足本收睇《亂噏24》x卓韻芝;跟住有錢國偉陪你夜蒲!
周一至周五《亂噏24》約定你: http://bit.ly/appletalk24