港區人大代表王庭聰嘅大女王麗霞舊年年底同金融界才俊邢高福喺印尼峇里島舉行婚禮後，前晚喺尖沙嘴洲際酒店擺婚宴，好多政界中人出席賀王庭聰做外父，近期突然獲熱捧成為下屆特首嘅梁錦松拖住太太伏明霞到場，八方見到阿松成晚俾賓客輪住隊酒，佢亦滿場飛同朋友say hello。
原來王庭聰係國際小母牛香港嘅副主席，同阿松齊齊為小母牛出錢出力。王庭聰之前娶新抱，將120萬賀禮捐畀小母牛；前晚嘅賀禮則捐畀香港福建希望工程基金會。全晚high爆嘅王庭聰席間仲拉埋成班港區人大代表、包括愛國歌手張明敏上台獻唱《愛拼才會贏》，笑笑口話想改行出唱片喎。
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24