光大銀行（6818）來港上市一波三折，雖然最終成功闖關，但至今只係喺掛牌首日見過招股價，至今潛水，霉氣明顯未除。噚日有消息話，建設銀行（939）副行長趙歡將會過檔光銀，呢個人事調動能否令光銀成功轉運呢？
調職預計馬年生效
外電噚日引述消息人士話，趙歡已正式獲批轉做光銀行長，現任光銀行長郭友，就可能會調返去建行做監事長。消息人士話，呢單轉會交易，相信會喺馬年生效咁話。
根據年報資料，今年50歲嘅趙歡，2001年加入建行，由業務部副總經理做起，去到2011年出任副行長，2012年年薪約94萬銀人仔。57歲嘅郭友，1998年已經加盟光銀做副行長，2004年任行長，2012年年薪約68萬銀人仔。兩人資歷都咁深厚，喺新環境工作，話唔定更有諗頭，兩間銀行隨時雙贏㖭！
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24