賓菲加周日喺主場以2:0擊敗宿敵波圖，將勝仗送畀已故名宿尤西比奧。上星期尤西比奧因心臟衰竭逝世，終年71歲；周日對波圖場葡超，就係尤西比奧死後賓菲加踢嘅首場比賽，球場內外都瀰漫住哀傷氣氛。看台上掛滿「黑豹」嘅大型海報（上圖），球場內兩隊喺賽前默哀；賓菲加全隊仲着上紀念波衫，背脊全部印住尤西比奧個名（右圖）。賓菲加呢場哀兵上陣，靠洛迪高摩連奴同加雷喺上、下半場各建一功贏咗波圖，繼續排喺葡超榜首。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange