陳法拉、日模松岡李那和倪晨曦等昨日到東港城出席迎馬年活動，松岡以透視高衩裙搶鏡，力壓一齊行騷扮花仙子的倪晨曦，裙子綴滿巨花的倪晨曦還被壓到變iPad胸，松岡也因裙身太重令她行貓步時幾次絆腳。法拉則着斜膊火紅裙騷香肩，眾女花枝招展令同場的安志杰狂標汗。
現場有命相家預測馬年運程，指法拉是停不了的愛和停不了情、安志杰拍拖4年都分手，毋須着意尋佳偶；松岡想走紅必須有緋聞；雙魚座的法拉笑說：「自己拍咗好多愛情片，頭先睇動新聞話雙魚座事業為重，今年都係專注事業唔諗，有人追都咁話。」有傳她簽鍾珍，法拉說：「暫時自由身，唔排除同其他公司合作，無綫暫冇接觸。」
出席六叔追思會
至於邵逸夫的追思會，法拉表示應該會出席，她說：「冇佢冇我哋冇無綫，我同佢見過面食飯傾偈。」農曆新年她會返美國跟家人度歲，由於近期美國天氣嚴寒，法拉說：「屋企爆水管，要返去幫手。」
問安志杰是否因被靚女包圍緊張致標汗？他坦言：「唔係，好多靚女，自己body好老實。」相士指他跟謝婷婷分手後不用心急拍拖，安志杰說：「自己冇急，順其自然。」甩拖後是否多了工作？他說：「之前拍拖要陪女友。」有否恭喜婷婷有新歡？他表示已透過傳媒恭喜，兩人沒直接聯絡：「唔好阻住佢，知佢開心。」
採訪、攝影：藍文浩
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！