韋斯咸嘅狼隊借將羅渣莊臣被指係不祥人（因為佢效力嘅狼隊喺3季內由英超降到英冠，再由英冠降落英甲），原來係真㗎。上周六英超佢為槌仔幫作客卡迪夫城，喺頂頭槌時唔覺意打中隊友迪美（圖）塊面，搞到對方暈陀陀，仲喺落地時整親手腕。迪美被抬離場時，更要戴頸箍同吸氧氣，睇嚟情況都幾嚴重。消息話，佢應該要唞一段時間，同雲斯頓列特、占士哥連斯同祖爾奧拜恩等齊齊做十字軍。雖然羅渣莊臣係掃帚星，好彩安祖卡路爾係幸運星。之前長唞嘅卡路爾，今季首次上陣，後備落場踢咗18分鐘，就助攻畀麥克盧保入波，最終協助槌仔幫贏2:0，並取得自去年11月尾後首場聯賽勝仗。
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24