修咸頓喺上周六嘅英超主場以1:0擊敗西布朗，入波嘅係呢排大紅兼啱啱做完新郎哥嘅隊長拉爾拉拿（圖），而拉爾拉拿喺取得士哥後即刻掀起波衫，露出印上「生日快樂」嘅紅色t-shirt，祝賀媽媽牛一，認真有孝心！至於將會喺下場正式領軍嘅西布朗新帥美爾，呢場波亦係座上客，唔講唔知，原來佢係修咸頓領隊普捷天奴喺西班牙讀教練牌時嘅恩師。
有料放？想收料？入嚟【蘋果互動】啦！【蘋果互動】是蘋果日報與讀者緊密互動、放料及收料的聚腳地。 http://fb.com/AppleDailyExchange