城市論壇不嬲都相當惹火，噚日開壇之前，有城壇之友預先問定主持人謝志峰，2月2日農曆新年，城壇係咪風雨不改先？謝志峰好快咁回答話，當日城壇休息一天。點解？佢講笑話當日係大年初三，赤口嘛。其實係TVB當日要做賀年節目，所以城壇都要讓一讓路咁解。
不過呢，班維園伯只要一入城壇，就會自動波破口大罵。噚日有位維園伯，喺節目去廣告期間起勢咁鬧人，語出驚人，一時話人係漢奸，一時話懷疑有人做雞，搞到謝志峰都忍唔住出紅牌。喺趕呢位阿伯出場前，謝志峰仲反問呢個阿伯，你會唔會將呢句說話同自己阿媽講？即時全場鼓掌，歡送呢位阿伯出場。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange