每年𡃁模輩出，要講得出邊個打邊個真係好考智慧，好似陳靜（DaDa）嘅師妹許珮榆（Diva）咁，舊年出過寫真集，但係人氣就認真麻麻，前晚佢谷行32E上圍到尖沙嘴行比堅尼泳衣騷，不過冇見一排嘅Diva個樣又唔同咗，仲要唔係變靚啲嗰隻。
露毛又露膠墊
谷胸上陣嘅Diva雖然做足安全措施，唔知係咪得3分鐘換衫時間，所以搞到佢喺現場好狼狽，除咗露出硬膠胸墊外，又被發現腋下未剃乾淨，連胸前亦出現離奇摺痕。Diva接受訪問時話以前曾經同師姐行過泳衣騷，至於有冇試過走光時，佢話：「做嘢有試過走光，好彩當時冇乜人，自己會小心。」佢話同啲酒客距離太近都驚被抽水：「不過主辦商話唔會，亦都冇呢啲情況發生過，如果有都幾驚，遇到嘅話自己會即刻走開，都會叫身邊同事壯膽，自己有喺內地打過碟，唔會因為怕人多，觀眾近而唔做，為搵錢嘛。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！