【維基開台倒數169日】宣萱和莫可欣等昨日到大欖郊野公園出席人狗同樂百萬行活動。已多年沒在港拍劇的宣萱，坦言希望與王維基合作，她說：「之前有探唐寧班，氣氛好好，做嘢認真，感覺好似返內地工作一樣。雖然香港酬勞冇內地咁高，但拍劇求開心，都想拍新鮮題材，知道好多觀眾想睇我、蔡少芬、陳慧珊做戲，之前TVB有搵我，但又做差婆，冇新意推咗。廣告商同我講得一間電視台要畀貴啲廣告費，多啲競爭先好。」
宣萱又透露港視的導演曾傾過拍類似《色慾都市》的劇集，她自言未拍過此題材，故很有興趣。至於前港姐冠軍莫可欣表示印象中甚少與邵逸夫一起出席場合，同場時六叔會與自己閒話家常。
採訪、攝影：馬建華
足本收睇《亂噏24》x 卓韻芝； 跟住有錢國偉陪你夜蒲！
周一至周五《亂噏24》約定你： http://bit.ly/appletalk24