為咗配合特區政府嘅政改地區民意戰，中央安排咗民政事務局局長曾德成，率領18區區議會正副主席訪京，希望多多幫手。八方聽聞，此行規格之高，嚇親唔少地頭蟲。除咗基本法副主任張榮順，仲見到國家副主席李源潮；受到中央高度重視，試問又點會唔聽話？
由於規格高，據聞在京期間，一班地區大佬不知幾咁拘謹，轉去天津訪問，參觀社區設施先至放鬆啲，原來佢哋到訪天津市慶有西里社區居民委員會時，有人提議曾德成留字，點知德成局長耍手擰頭好怕醜，唔想公開露兩手，靈機一觸推咗向來書法造詣好好嘅沙田區議會副主席彭長緯頂上，揮筆寫咗「天道酬勤」四粒字，𠱁得居委會好歡喜。
足本收睇《亂噏24》x 卓韻芝； 跟住有錢國偉陪你夜蒲！
周一至周五《亂噏24》約定你： http://bit.ly/appletalk24