自認中產嘅財政司司長曾俊華似乎對本地嘅怪獸家長有意見，話佢哋雖然唔想子女「輸在起跑線」上，但人生係馬拉松，爭勝關鍵不在起跑線上爭先，路途遙遠，冇幾多人可以「由頭帶到尾」。鬍鬚曾話，馬拉松講求永不放棄嘅毅力，同知己知彼嘅智慧，出色選手會按自己同對手嘅體能特質控制節奏，合適時間發力加速。講咁多，曾俊華呢篇題為《怪獸都市》嘅網誌，只係想借題發揮，批評有人見到香港競爭力由第一跌到第三，擔心香港競爭力大不如前，所以如果有家長見到子女由第一變第三，就大發雷霆、憂心忡忡，就係「怪獸家長」！鞭策政府等同過份緊張子女係兩回事，希望月薪30萬嘅鬍鬚曾唔好亂咁類比啦。
足本收睇《亂噏24》x 卓韻芝； 跟住有錢國偉陪你夜蒲！
周一至周五《亂噏24》約定你： http://bit.ly/appletalk24