強國唔止係老翻叻，原來仲好有創意。高登啲巴打先排就發現，車仔嘅西班牙前鋒費蘭度托利斯（費托）無嗱嗱做咗某間強國美容院嘅代言人（圖）。費托喺個美容廣告度唔係用真名同真實身份，而係化名模特兒阿Ken；話佢嚟強國做嘢後因為成日化妝，搞到滿面暗瘡，但接受咗呢間美容院嘅產品後就光滑番晒。若然費托知道呢單嘢，真係唔知好嬲定好笑。點都好，佢近排重拾久遺嘅射門鞋，對上６場聯賽入3球，包括喺上周六作客贏侯城2:0場波入埋齋一球。另外，車仔龍門施治亦刷新紀錄，成為球會史上唔失波場數最多嘅門將（209場）。
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24