記得N年前，某報編輯覺得專欄文字唔啱睇，二話不說就爽手抽稿。今日，某報撤換老總，只是換一個人，可算是「隻抽/揪」。隻抽，背後有多少恩怨？繞過某報編輯委員會冇違反基本法，行家和讀者猜度吓：
一，換老總，類似換總掣，個舊掣老化，隨時跳掣累大家一鑊熟就唔好啦。
二，換個馬拉佬，應節，馬年嘛。過年憑報頭換兩底馬拉糕又點話。
三，抽稿和抽人甚至抽筋都是階段性，唔關政治事。在晴朗一天，應持份者要求，老抽！
四，換老總唔係換傢俬，唔會摺凳化，唔驚摺埋。
五，雖然被標籤為×粉報，但為了廣大讀者利益，大老闆保證，只係中場換人，但唔會換阿茂入去，報紙唔會打假波。OK？
六，英超西甲球星，轉會當食生菜啦。家下當場波來睇，換老總等同換龍門，唔係學西環搬龍門，個外援亦唔係中超國援，應該唔會頂入自己龍門，唔怕被廉記請食牛腩魚蛋。