聽聞內地部份發展商往年喺農曆新年前後開盤，好多時都會送新一年嘅運程書畀客戶，既係花臣又可應節，不過今年就冇呢支歌仔唱。
事關國家主席習近平舊年曾批評官員迷信，相關部門即刻配合，唔批內地出版社印運程書。
中國人多數信風水命理，唔少內地人除咗鍾意來港買金、買名牌，亦會買運程書當手信。見市場有需求，個別有知名度嘅風水師過去幾年直情搵內地出版社印運程書喺內地賣。
著名風水師麥玲玲話，佢舊年喺內地賣咗30萬至40萬本運程書，不過舊年下半年攞唔到批文，內地出版社印唔到馬年運程書。
事情可能同習近平曾批評官員迷信有關，習近平曾指部份幹部出問題，係信仰迷茫。有報道仲話，某些地方不時傳出領導幹部喺辦公室設轉運石或者搵風水師佈局，係不問蒼生問鬼神！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange