【本報訊】花在鳳凰計劃的6,000萬公帑，使用情況及進度如何？本報上周就此向民政事務局查詢，至今未有回覆。足總董事與政府足球專責小組成員則力撐，認為鳳凰計劃推行日子尚短，而且6,000萬不算大數目。
指撥款6,000萬不足
「有啲嘢，計劃同落實係會有落差。33項建議係咪可以一下子到位？」本身是鄉議局成員的足總獨立董事何君堯說。他認為6,000萬元也非大數目：「客觀嚟講，6,000萬係咪好多錢？其實一間普通公司都有2,000萬，成個足總，三年得嗰6,000萬唔係好多。你問我，我係覺得未足夠。」
有人反對繼續泵錢給鳳凰計劃，何君堯這樣說：「我希望做嘢唔好半途而廢，既然講咗就要排除萬難，堅毅不屈。做一件事梗係會有阻滯，乜嘢叫鳳凰？置諸死地而後生吖嘛！」
鳳凰計劃是否進入了死地？本報上周二向民政事務局查詢計劃進度，新聞官表示曾德成當日在「築福香港」活動上已回應，沒有補充。其實曾德成當天並無交代鳳凰計劃的進度，只表示轄下的足球專責小組會認真看待足運發展。
本報向專責小組成員、港大社會學系教授呂大樂查詢，他說「未知下個會期」，只表示小組有定期開會，最近議題包括發展超級聯賽。對於鳳凰計劃被指虛耗公帑，他認為「要一、兩年內好大轉變係好難」。議員及球會高層都反對延續鳳凰計劃，呂大樂帶點晦氣說：「香港球壇如果唔想改變，足總作為非牟利機構冇得逼佢，呢啲係一個你情我願嘅事。」
足本收睇《亂噏24》x 卓韻芝； 跟住有錢國偉陪你夜蒲！
周一至周五《亂噏24》約定你： http://bit.ly/appletalk24