著名財經專欄作家何車個大名喺報界響噹噹，舊年畀佢點名推介嘅股票閒閒哋升幾成，聽聞近月喺西營盤有間叫做「何車」嘅車仔面檔，唔通何車唔炒股，轉行淥麵？
華華噚日扮客去「何車」食麵，原來此何車不同彼何車。呢間何車位於西營盤水街，舖面唔算大，只有十幾個座位，樓面由一位廿歲出頭嘅後生仔坐鎮，落單、傳菜、收銀、執枱一腳踢。
佢話間舖係幾個人夾份，佢係老闆之一，開業大約兩個月，同大家熟識嘅何車並冇關係，改呢個名亦冇特別意思。
何車賣嘅都係一般車仔麵，選擇唔算多，亦講唔上有特色，一個自選三餸麵，盛惠28蚊，味道一般。其實做任何食肆，出品有水準係最基本嘅，要客似雲來就要有特色，起碼要好似何車個財經專欄咁有風格先至得。
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24