科網股逐個環節炒，先係騰訊（700）突破500蚊，再喪炒網遊、手遊股，之後係網上支付概念股，最新輪到軟件股。資金先炒起龍頭金山軟件（3888），再掃金蝶（268）、擎天軟件（1297），跟住應會搵細細粒嘅來炒，「現金牛」方正控股（418）可以小注一試。
半新股現疲態，海螺創業（586）、康臣葯業（1681）圖表轉差，不排除會顯著調整，戰友宜適量減持，高追的更要嚴守止蝕。熱錢炒完半新股會流去邊？鑑於市況未明朗，魏力覺得會再去番殼股，去年11月初寫過的乾隆科技（1236），整固兩個月後又開車，成交亦配合急升，可以跟進。收購乾隆科技的河北供銷社，主營農業金融及電子商務，其實甚有炒作概念，一旦破頂隨時又升一個開！
目前當炒而動力充沛的板塊，非水務股莫屬，除熱炒的中滔環保（1363）外，相當低調的桑德國際（967）亦靜極思動。集團最新公佈中標安徽省阜陽市潁州污水處理廠工程BOT項目，總投資2.4億人仔，廠區設計規模達每日10萬立方米，有機成為追落後的藥引。
走勢上，桑德本月初爆第一棍後，連日出現整固，上周五發力突破，創兩年收市新高，滄海遺珠一被發掘，升浪可以又急又勁，短期目標：坐六望七。
魏力
http://www.facebook.com/2012jason
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24