每年都有乜乜物物富豪榜出爐，幫一班富豪計身家，大家最熟悉始終係上周剛公佈嘅《福布斯》富豪榜，超人、四叔照例榜上有名。可惜《福布斯》周刊就唔多富貴，舊年底宣佈賣盤，最新消息係潛在買家由18個，去到6個，本月底最後出價。
福布斯媒體舊年11月委任德銀研究賣盤，英國《金融時報》日前引述消息話，最近有六個潛在買家，出價介乎3.5億至4.75億美元（27億至37億港元），預期本月底最後出價。
《福布斯》1917年開始發行，有近百年歷史，不過同好多傳統媒體嘅命運一樣，近年廣告收入下跌，發行量亦減少。有指福布斯賣盤時話自己唔只賣雜誌，仲有網站，係電子媒體嚟㗎。有分析話即使係咁，但由於《福布斯》嘅廣告費一直貴過人，所以未來廣告收入增長都係有限。
足本收睇《亂噏24》x卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24