上星期講過財經刊物《Institutional Investor》本月舉行分析員選舉，舊年德銀中港地產分析員寫咗篇似籌款嘅中文拉票電郵，今年就以「獅子山下，有誰共鳴」為題再來一封，指「我們在資本市場相遇上，同舟共濟……衷心希望得到您的共鳴，支持與鼓勵。」寫到好似填詞一樣。
德銀兩位地產分析員Tony同Jason舊年寫咗封中文電郵，左一句「人間有情」，右一句「請您伸出同情之手幫助我們」去拉票，輕易成為分析員界嘅熱話，投票結果，佢哋排第二。可能見有效，今年再來一封。
佢哋都知舊年內房股唔多掂，冇硬銷，不過就認為，內房板塊今年會生氣再現，隨住內地經濟好轉，發展商嘅銷售有望持續增長，內房股「雄風重振」，總之最後還是歡笑多於欷歔。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange