立法會昨就政改諮詢舉行公聽會，在建制派全力動員下，逾百親政府人士發言時，均炮轟獲九成港人透過民間投票力撐的公民提名，政制及內地事務局局長譚志源更以「開食論」比喻政改，指「我相信最緊要係有飯開啫，唔啱食就食住先啦，唔係肚餓就唔係幾好」。民主黨主席劉慧卿批評「離譜」，「咁表示最終個方案都係衰嘢，要我哋啃咗先」。
逾百親建制人士發言
昨日公聽會長逾10小時，逾百親政府團體和人士發言時，均炮轟和平佔中以及公民提名，民建聯副主席張國鈞提出極保守政改建議，指提名委員會「必須維持四界別組成模式，各界別比例必須相約」，又指特首候選人「不應少過三個人，以維持選舉競爭性」，但要先獲提名委員會多數同意才能成為候選人。50多個報名發言人士缺席會議，有泛民議員指是由於不滿發言時間過短，只有兩分鐘。
40多個泛民人士則力撐公民提名，部份激進泛民更以「出位」方式抗議。以「協助飯團入閘大聯盟」名義發言的「滷味男」錢偉洛會上批評，《基本法》經不民主過程寫成，故推動政改時毋須根據《基本法》，更在站立發言時突然除褲，撕下一頁《基本法》文本抹屁股，指自己只會攞《基本法》「抆屎」，批評泛民不應「有得入閘就屎都食」。熱血公民黃洋達亦在發言時撕毀立法會席上的《基本法》抗議。
Game民力量營運總監蔡文龍批評，《基本法》猶如一隻「改爛咗的game」 ，「好似打winning eleven（足球遊戲）時，個龍門移來移去」。港大學生會外務副會長周永康呼籲港大畢業生譚志源和林鄭月娥，推動政改時應「重拾做學生時的一點良知」。
譚志源回應時提出「開飯論」，「我相信最緊要係有飯開啫，唔啱食就食住先啦，如果唔係肚餓就唔係幾好」，總結時坦言「睇來距離凝聚（社會）共識仍有一段距離」。
民主黨劉慧卿斥譚志源的講法「好離譜」，「咁表示最終個方案都係衰嘢，要我哋啃咗先，呢個係我地唔可以接受」。
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24