一向風流嘅「唔見光」自從失婚之後，就更加冇避忌，經常叫人同佢安排遊船河派對，然後叫幾個𡃁模落船陪佢玩，幾個月前佢就識咗一個20幾歲嘅𡃁模，呢個妹妹似乎幾得唔見光嘅歡心，因為唔見光呢輪只要喺香港，就一定會搵佢。
西九租私竇
為咗方便幽會，唔見光仲幫佢喺西九嗰邊租咗個豪宅單位，只要有時間唔見光就會上去過夜同佢歡愉，雖然唔見光出入大廈時會好小心，戴晒墨鏡同帽，但佢咁高大，又點會唔認得佢呢？其實拍拖唔係乜嘢壞事，但佢份人就係咁，喺香港時就樣樣咁小心，但返到內地就成個人放鬆晒，經常落夜場玩，而且仲要求有女坐枱，如果啲女質素唔錯嘅話，一般佢都會要求有下文，而啲女見到佢已經癲晒啦，仲可以有着落，真係唔收錢都肯啦！
撰文：關仁
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24