韋斯咸班主大駕光臨訓練場，領隊艾拿迪斯（圖）仆地相迎！其實兩者冇直接關係，只係咁啱喺日前嘅操練入面，艾拿迪斯唔知點解同班球員玩到一仆一碌，成個滾地葫蘆咁，幾廿歲人，真係成何體統！就喺操練完咗冇耐，韋咸班主高特嚟到訓練場，自己揸住架黑色嘅直升機，就喺草地降落，幾有型㗎！但出動到直升機咁急，唔通係見到球隊成績咁差，趕住去鬧爆艾拿迪斯？另外，韋咸中場拉夫摩利臣（小圖）亦想跳船，有機會以750萬鎊（約9,600萬港元）過檔富咸。
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24