楊張新悅(前名張燊悅)大伯、立法會前議員楊孝華長子楊哲寧昨晚在迪士尼酒店擺婚宴,迎娶拍拖四年、從事物流的女友Joy,賓客方面有霍啟剛郭晶晶夫婦、孫耀威帶女友陳美詩、丁子高、傅明憲、王秀琳等人。啟剛與晶晶難得放假一晚不用湊B,拖到實到場,身穿黑色大褸的晶晶瘦了不少,不過尚有少許包包面。張新悅與丈夫楊哲安齊齊接受訪問,表示:「希望大伯快啲生小朋友陪我啲女玩,相處之道唔使,佢哋好夾。」新郎哥楊哲寧透露在澳洲沙灘求婚成功,大讚老婆值100分,問到會否趕生B,他笑言:「會積極生B,不過未知趕唔趕得切馬B,爸爸有提點我要錫老婆,唔好做危險活動令老婆擔心。」
採訪:林嘉慈
攝影:陳順禎
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!