【本報訊】藍田舖王西醫林傳龍指控父親林成賢誹謗案，林父經過連續三天作供，疲態畢露，更投降認錯，坦言願意向兒子道歉兼賠錢，惟林傳龍拒絕和解。法官對於雙方未能修好感到非常失望，慨嘆「講到尾又係錢作怪」，強調法庭一日未有裁決，談判大門仍然開啟。
記者：楊家樂
聆訊在高等法院進入第四天，暫委法官陸啟康繼續盡力勸喻雙方和解，「我仍然希望佢哋兩父子修好，不過法庭唔會強迫，始終係家事」，但慨嘆爭拗「好似做戲咁，唔知幾時先完」。
被告「只想探吓啲孫」
當原告林傳龍一方就派發張貼傳單誹謗一事，盤問被告林成賢時，法官插嘴問林父：「其實你覺得呢件事有冇做錯？」林父緩緩回應：「我𠵱家覺得我有錯，唔啱。佢以前（報警）告我，我唔擺響心喇。我𠵱家唔嬲，過咗去喇。𠵱家只係想去吓旅行，探吓啲兒孫。」又謂已改變想法，願意按兒子要求道歉。
法官一度休庭半小時，讓雙方律師團隊談判。林父表明願意向原告道歉、賠償8.8萬元、負責是次聆訊的10萬元訟費，並且主動撤回對原告的反申索。惟原告不領情，揚言不滿意父親一方賠償金額及道歉內容，和談拉倒。
「佢冇資格做我阿媽」
法官坦言對結果感到非常失望，又指得悉原告早前入稟，要求收回母親所住單位案即將審理，提議原告考慮以信託形式供父母繼續居住，「可以做孝順仔，唔使趕走兩老，等佢哋可以百年歸老」，認為此舉或有助解決問題，「講到尾都係錢作怪」。
此外，林父妻子謝巧玩出庭作供指證原告，自言至今仍疼愛兒子。當代表原告的資深大狀李秋源問及「知唔知𠵱家係出庭指控個仔」，謝掩面失聲痛哭。法官見狀向大狀表示「你唔應該咁問」，並對謝說：「明白你感受，一個係仔，一個係丈夫。」
旁聽的林傳龍眼見遭母親頂證，不斷自言自語道：「佢冇資格做我阿媽。」他於庭外指連日出庭未能應診，損失不少。案件本月21日結案陳詞。
案件編號：HCA139/12
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24