【東 區】
【本報訊】一輛本田S2000跑車，昨凌晨在東區走廊馳騁之際突然失控，如彈珠般先後撞左右兩邊石壆，再360度翻觔斗，全車花痕累累毀爛不堪，司機卻奇蹟僅擦損輕傷，送院敷治後無大礙，警方正調查意外肇因。
疑波箱失靈肇禍
事發於昨凌晨1時半，26歲姓黃男子駕駛本田S2000跑車沿東區走廊西行，至太古城附近一個左彎突然失事，跑車先撞向左邊石壆，再衝前撞右邊石壆，繼而向前翻滾，衝行70米才停下，四輪着地，嚴重損毀，擋風玻璃碎裂，車身盡是一條條花痕。跑車黃姓司機只是左手和嘴唇受輕傷，走出車廂後報警求助。
黃事後通過酒精測試，並向警方稱，懷疑波箱失靈「轉唔到波」肇禍。
肇事跑車99年出廠，車主01年以25萬元買入，事後由拖車拖走檢查。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange