恒生銀行（011）執行董事馮孝忠旁邊呢一大塊金幣，並非塑膠佈景，而係如假包換嘅一噸真金，係現今世上最巨型金幣──「2012年Australian Kangaroo One Tonne Gold Coin」。噚日起一連三日，放喺中環恒生總行博愛堂展覽，可惜唔係對外開放，只有特邀客戶有機會見佢一面。
呢塊巨型金幣係健力士世界紀錄最大同最重嘅金幣，由重達一噸嘅99.99%純金鑄成，相等於200包5公斤裝米嘅重量，闊度近80厘米，厚度超過12厘米，由澳洲珀斯鑄幣局（The Perth Mint）發行，佢本周三嘅金價超過3.05億元。香港展出完，就會拎去柏林做展覽。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange