八方最近上網睇到一批將會喺英國拍賣嘅19世紀老照片，由英籍攝影師Felice Beato影嘅，可能係世上現存最耐歷史嘅香港舊照。據講Beato喺1860年第二次鴉片戰爭時，跟英法大軍嚟過遠東，當時九龍同港島都已經割咗畀英國，而Beato就喺日本、印度同中國都影落好多相，包括呢幅香港全景圖（圖）。
八方問過港大建築文物保護課程主任李浩賢，佢一睇張相就好興奮，「我知呢張相！」話張相喺1860年影落嘅，「應該係由京士柏望過去港島，相入面一點點白色嘅就係英軍嘅帳篷喇，可見當時英國已經佔領成個九龍」。
互聯網
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange