早前舉行棟篤笑大談性經的卓韻芝，近日再獲邀擔任《亂噏24》嘉賓，34歲的她在情場闖關無數，卻弄到遍體鱗傷，至今仍孤單一人。今集她在節目跟蔡瀾和倪匡談情說性，又自爆暗戀街市凍肉佬，可惜未能開花結果。《亂噏24》足本版逢周四晚上11時播出，讀者可在 http://bit.ly/appletalk24重溫。
撰文：馮國康、Sidekick
卓韻芝換了新形象上節目，一來便對鏡頭說：「各位觀眾，係全新錄影嘅！」對於再次被邀，阿芝大惑不解，蔡瀾解釋：「你好玩吖嘛，觀眾同讀者反應好。」阿芝不禁暗爽，又稱當男人想見你第二次的時候，應該真的對你有感覺。
倪匡為港女平反
眾人開始談論「港女」話題，阿芝先為其定義：「『港女』係有負面意思嘅。佢哋比較計算，鍾意搵人着數，比較惡，會恰男仔。」她認為這名詞是一些被恰的男人改的。「港女」和「剩女」亦有關連，阿芝認為港女性格頑劣，才會變成剩女。倪匡卻不認同：「我覺得港女大多數係漂亮、時尚、有品味、有獨立經濟能力，點解會有負面意思呢？」又為港女平反：「男人時時鬧女人有虛榮心，唯一理由就係滿足唔到女人虛榮心，佢自己冇能力咪鬧人囉！」蔡瀾提到在美國有很多女權分子不需要異性，但要解決性需要：「佢哋手袋裏都要放支自慰器！」
時下女性常扮演野蠻女友角色，對男友十分嚴苛，阿芝解釋這現象主要是社會風氣，她說：「對男仔千依百順會被喻為好老套好過時，一唔千依百順就唔知用乜嘢態度，咁咪惡囉，其實都係想攞attention啫。」倪匡憶起早前紅遍全城的「14巴港女」，完全不明白男的為何要下跪。蔡瀾說：「有啲男人鍾意呢啲嘢嘛，鍾意俾人摑，呢啲男人我會嘔㗎！」說着說着，話題突然落在阿芝身上。倪匡不明白為何以阿芝的條件，至今仍然單身，阿芝即時在鏡頭前sell自己：「各位，我係唔會惡㗎。我又好識做人，又識識哋煮嘢食！」蔡瀾認為阿芝不夠主動，叫她穿暴露一些，甚至不經意展示身材。他又迂迴地問阿芝如何解決需要，她回答：「睇吓鹹戲咁囉，不過啲鹹戲拍畀男仔睇嘅！好唔公平囉，我作為一個導演。」
先性後愛有保障
阿芝有朋友曾對她說，人過了35歲，便不想再約會，因為害怕互想猜度對方，感覺麻煩。蔡瀾認為這一點外國人比較輕鬆，因為他們簡單直接，「飲杯酒就來」，他說：「如果同性戀仲更加直接，一握手就用手指嚟勾吓你，勾咗有反應就去。」蔡瀾又指出談情說愛「倒敍法」最見功效：「嗰陣時已經赤裸裸，傾起嚟比較知心。呢個係一個好好嘅見面禮。」倪匡附和：「所謂戀愛就係男女之間為達到上床目的嘅種種作態。」阿芝也十分認同，因為有時女仔見到男仔全相時已經太遲：「係咪應該call的士走？定係保持禮貌呢？」又自爆曾訛稱遺失銀包來逃脫。
倪匡認定阿芝眼角高，才會至今仍單身，蔡瀾甚至勸她獻出「見面禮」來主動出擊。倪匡笑說：「我教女都係咁教！遇到鍾意嘅男仔，你要主動啲嘛！」阿芝提出一個戀愛理論，有一種叫date up，就是約會比自己更好的人；另一種叫date down，就是不計較對方的身份地位，她自言是date down，又自爆兩年前曾暗戀一名在街市賣凍肉的男子，她說：「我同阿婆成日去街市，有日見到佢喺凍肉機面前切肉，自此我成日去嗰個凍肉舖度買嘢食，食咗幾多雞翼。」後來，阿芝某日主動索取對方電話，只可惜神女有心，襄王無夢。蔡瀾則自爆一段情緣，當年他到澳洲拍戲，遇到一名女燈光師，被她的專注及美貌所吸引，遂展開追求：「結果幾好嘅，但如果我唔同佢講就冇（發展）。」
拒與整容女為伍
阿芝近年已甚少夜蒲，她認為這些地方已變得「群魔亂舞」，她說：「你去到舞池，全部女仔啲眼耳口鼻係佢跟佢整，佢跟佢整，係咪全部同一個阿媽生，點解會一樣樣！」阿芝又不明白為何時下女性跳舞可以跳到儼如脊椎有問題一樣，永遠都站不直，阿芝不願與她們為伍，便敬而遠之。蔡瀾憶起當年與幾位友人到上海媾女，上海妹出名高竇，不會與陌生人打交道，但蔡瀾胸有成竹，還跟友人誇下海口必定追到手，然後他派人送四支香檳過去便成功，蔡瀾說：「實媾到啦，大家講明㗎嘛，物質，我滿足到佢哋。」
髮型：Ziggie of Salon La Mod
化妝：Micky Choy of such a good...
服裝：Dour Studio
港女變剩女有樣睇 手袋梗有支自慰器？
http://bit.ly/talk242701
女仔冇拖拍最怕係乜？ 阿芝覆「卓」醒你兩招
http://bit.ly/talk242702
先上床後拍拖 現代愛情觀難捉摸
http://bit.ly/talk242703
DRY爆阿芝睇AV「要拍部女性專屬鹹片！」
http://bit.ly/talk242704
老人家唔識新科技 iPad電腦亂咁嚟
http://bit.ly/talk242705
阿芝蔡瀾自爆重口味對象
http://bit.ly/talk242706
鍾意食乜就食乜 亂咁戒口唔值得
http://bit.ly/talk242707
幫鹹片打格仔 打到你一世唔想睇！
http://bit.ly/talk242708
老馬有火爆粗劈炮 連累套戲爛尾收場
http://bit.ly/talk242709
蔡生媾女未失過手 阿芝睇唔過眼「唓，媾呢啲」
http://bit.ly/talk242710
足本收睇《亂噏24》x 卓韻芝；跟住有錢國偉陪你夜蒲！
周一至周五《亂噏24》約定你： http://bit.ly/appletalk24